Борбордо Улуттук госпиталдын жанынан табылган эки жансыз ымыркайдын энеси изделүүдө

Борбордо Улуттук госпиталдын жанынан табылган жансыз ымыркайлардын энеси изделүүдө. Бул тууралуу бүгүн, 18-февралда SUPER.KG порталына Бишкек ШИИББинин басма сөз кызматынын жетекчиси Олжобай Казабаев билдирди.

“Учурда ал эки ымыркай тиешелүү экспертизалардан өтүүдө. Анын толук жыйынтыгы дагы 2 жумадан кийин даяр болмокчу. Учурда бул иш боюнча бир нече адам суракка алынып, тергөө амалдары жүрүүдө”,- деди О.Казабаев.

Айта кетсек, 5-февраль күнү борбордогу Улуттук госпиталдын жанынан эки жансыз наристенин денеси табылган. Алардын бири эркек бала, ал эми кийинчерээк экинчиси кыз экени аныкталган. Алдын ала маалыматтарга ылайык, алар 8 айлык болуп өлүү төрөлүшкөн.

Автор: Мальвина Уметбекова