Борбор калаада мыйзамсыз илинген көрнөк-жарнактарды алып салуу иштери уланууда

Бишкек шаарынын мэриясынын Жарнама департаменти жана Муниципалдык менчик башкармалыгы борбордо мыйзамсыз илинген көрнөк-жарнактарды алып салуу иштерин улантууда. Бул тууралуу бүгүн, 24-февралда аталган департаменттен билдиришти.

Маалыматка ылайык, аталган департамент борбор калаадагы ижара мөөнөтү бүткөн жана келишими жок 35 жарнамалык тактаны алып салуу иштерин өткөрдү. Бишкек шаарынын мэриясы калаанын ишкерлерине жарнамалык конструкцияларды алдырбоо үчүн бардык ижара мөөнөтү бүткөн келишимдерди узартууну эскертет.

Автор: Мальвина Уметбекова