"Ишкерге карата ок чыгарган" деп шектелген маалымат агенттигинин редактору кармала элек" дейт Олжобай Казабаев

"Борбор калаада маалымат агенттиктеринин биринин редактору А.Сартбаев жеке ишкерге карата ок чыгарган. Бул окуя боюнча аны издөө улантылууда". Бул тууралуу бүгүн, 24-февралда SUPER.KG порталына Бишкек ШИИББинин басма сөз кызматынын жетекчиси Олжобай Казабаев билдирди.

"20-февраль күнү милицияга арыз менен Самсалы Четимбаев аттуу жаран кайрылган. Анда ал борбордогу маалымат агенттиктеринин биринин редактору эртең мененки саат 10:00 чамасында телефон чалып, басма сөз каражаттарынын бирине ал тууралуу макала чыкканын айткан. Саат 15:16 чамасында ал редактор менен жеке ишкер кафелердин биринин жанынан жолугушкан. А.Сартбаев аны дүкөнгө айдатып барып, арак ичип, кийин аны борбордук көчөлөрдүн бирине таштап коюуну суранган. Унаадан экөөнүн ортосунан уруш чыгып кеткен. Жеке ишкер макаланы алып салууну айткан. Ага макул болбогон редактор тапанчасын чыгарып, аны атууга аракет кылган. Бирок экөө кармаша кетип, ок ишкерге эмес, унаанын арткы отургучунун жөлөнгүчүнө тийген. Бул факт боюнча "бейбаштык" беренесинин негизинде кылмыш иши козголгон. Учурда ал жашаган жеринде жок болуп жаткандыктан, аны издөө иштери улантылууда",- дейт О.Казабаев.

Маалыматка ылайык, эгерде ок чыгарылган тапанча кылмышка шектүү жарандын атына катталбаган болсо, ага карата дагы бир кылмыш иши козголмокчу. Айта кетсек, жабырлануучу Азимбек Бекназаровдун жардамчысы катары белгилүү.

Автор: Мальвина Уметбекова

17:19 24-02-2015

Жазылуу

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 173 0

01:07 2025-05-16 | Кылмыштар, кырсыктар

Ак-Буура дарыясына өспүрүм бала түшүп кетти 229 0

00:36 2025-05-16 | Түркүн дүйнө

Франция Иранды Эл аралык сотко берет 284 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 239 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 745 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 558 0

Архив

Комментарийлер (2)

brend007

2015-02-24 17:41:53

капканга тушупсун

OTYPBARATYPELEEE

2015-02-24 22:59:29

Ушул Сартбаевдин газетасы чылгый эле ушак жана имиш-имиштер. Маалыматты тактабай эле бир ушакты жазып жиберет да, кийинки жумада шермендеси чыгып кечирим сурашат.
:)))

Комментарий калтыруу үчүн өз ысымыңыз менен кириңиз же каттоодон өтүңүз.