Шашылыш билдирүү! Өлкөнүн тоолуу аймактарында кар көчкү коркунучу жана кар күрткүсү күтүлөт

25-февралдан 27-февралга чейин жаап өткөн жана күтүлүп жаткан жаан-чачындарга байланыштуу өлкөнүн тоолуу райондорунда кар көчкү коркунучу жана кар күрткүсү күтүлөт. Бул тууралуу бүгүн, 25-февралда Өзгөчө кырдаалдар министрлиги билдирди. Маалыматка ылайык, Бишкек - Ош унаа жолунун 121-137 жана 198-265-чакырымдарында, Бишкек - Талас унаа жолунун Өтмөк ашуусунда, Жалал-Абад облусундагы Ала-Бука - Каныш-Кыя унаа жолунун 62-100-чакырымдарында, Казарман - Ак-Тал-Чат унаа жолунун 67-94-чакырымдарында,

Ош облусундагы Мырзаке - Кара-Кулжа - Алайкуу унаа жолунун 45-90 жана 145-150-чакырымдарында,

Ысык-Көл облусундагы Каракол - Эңилчек унаа жолунун 45-90-чакырымдарында, Бишкек - Нарын - Торугарт унаа жолунун 284-295 жана 300-308-чакырымдарында кар көчкү коркунучу жана кар күрткүсү сакталат. Жолдор тайгак болуп, муз тоңот. Унаалардын ортосунда 500 метр аралык сакталышы зарыл.

Автор: Наргиза Бекжанова