Ош. Башталгыч класстардын окуучуларына интерактивдүү такта менен сабак өтүлүүдө

Бүгүн, 26-февралда шаардагы Курманжан датка атындагы мектепте “Натыйжалуу сабак өтүүдө интерактивдүү тактанын ролу” деген теманын алкагында башталгыч класстардын мугалимдери үчүн семинар болуп өттү.

Шаардык билим берүү башкармалыгынан кабарлашкандай, анда интерактивдүү такта менен иштөөнүн жолдорун үйрөтүү максатында тажрыйбалуу мугалимдер окуучуларга аталган тактаны колдонуп ачык сабактарды өтүштү. Башкармалыктын усулчусу М.Мырзакаримова: “Интерактивдүү тактаны колдонуп өткөн сабактарыбыздын жыйынтыгы абдан жакшы бааланууда. Заман агымына жараша, балдардын кабыл алуусуна, түшүнүгүнө жараша сабакка кызыктыруу аракеттерин тынымсыз жүргүзүп келүүдөбүз. Мунун бири катары жогорудагы айтып өткөн усулду айта алабыз. Алдыда шаардагы бардык мектептин башталгыч класстарынын мугалимдерине жаңы технологияларды колдонуп сабак өтүүнү жайылтабыз жана талап кылабыз”,- деди.

Аталган семинарга Ош шаардык билим берүү башкармалыгынын кызматкерлери жана шаардагы мектептердин башталгыч класстар боюнча директорунун орун басарлары катышты.

Автор: Максат Кудайбердиев

15:52 26-02-2015

Жазылуу

РУБРИКАДАГЫ СОҢКУ КАБАРЛАР

11:29 2025-05-16 | Кылмыштар, кырсыктар

Убактылуу кармоочу жайда отурган жаран асынып алды 127 0

11:29 2025-05-16 | Супер-Инфо

Күндүн алдында коргоосуз калбаңыз! 28 0

11:24 2025-05-16 | Кылмыштар, кырсыктар

Баткенде сатылып кеткен 30 сотых жер мамлекетке кайтарылды 110 0

11:11 2025-05-16 | Түркүн дүйнө

Түштүк-Чыгыш Азияда COVID-19 вирусун жуктургандардын саны көбөйүүдө 218 0

10:48 2025-05-16 | Коом жана турмуш

Бишкектин айрым конуштарында таза суу берилбейт 145 0

10:36 2025-05-16 | Кылмыштар, кырсыктар

Ысык-Көлдө Сот департаментинин жетекчисинин диплому жасалма экендиги аныкталды 398 0

Архив

Комментарийлер (2)

Ajar.

2015-02-26 17:42:30

Мезгилдин жетишкендиктерин колдонуп, заман менен тең жарышкан жакшы дечи, бирок Ош билим берүү башкармалыгынын мындан башка жаңылыгы жок окшойт, интерактивдүү тактаны байма-бай чыгарат...

shutUP

2015-02-26 18:41:42

Шаар ичиндеги мектептерге эле тапкандарын беришет, тээ алыскы мектептердин абалы менен эчкимдин иши жок!

Комментарий калтыруу үчүн өз ысымыңыз менен кириңиз же каттоодон өтүңүз.