Ошто тургунду тапанча менен коркутуп, акчасын алып кеткен жаран кармалды

Ошто тургунду тапанча менен коркутуп, акчасын алып кеткен жаран кармалды. Бул тууралуу бүгүн, 11-мартта Ош шаардык ички иштер башкармалыгынын басма сөз кызматы билдирди.

Маалыматка караганда, милиция кызматкерлерине 20 жаштагы А.А. аттуу Ош шаарынын жашоочусу кайрылган. Анда ал 8-март күнү белгисиз адам тапанча менен коркутуп, 7 миң сом акчасын алып кеткенин айткан. Бул боюнча иликтөө иштери жүрүп, кылмышка шектүү катары 28 жаштагы А.Э. кармалган. Учурда кылмыш иши козголуп, кармалган жаран убактылуу кармоочу жайга киргизилди.

Автор: Бекжан Рыскулов