Акыркы суткада өлкөдө 1 өрт кырсыгы катталып, Байтик айылында жайында эс алуучу үйдүн чатыры күйүп кетти

Жарандык коргонуунун Өрткө каршы күрөшүү кызматынын маалыматы боюнча, өткөн суткада республиканын аймагында 1 өрт кырсыгы катталып, аны өчүрүүгө 1 өрт өчүрүү бөлүмү тартылган. Бул тууралуу бүгүн, 12-мартта Өзгөчө кырдаалдар министрлигинен билдиришти.

Аламүдүн районуна караштуу Байтик айылындагы 250 чарчы метр жайкы үйдүн шифер менен жабылган чатыры, 10 чарчы метр сарай, 2 бак күйүп кетти. Учурда өрттүн келип чыгуу себеби жана үйдүн ээси такталууда.

Автор: Мальвина Уметбекова