Казакстанга 2 тонна күрүчтү мыйзамсыз алып кирүүгө аракет кылган кыргыз жараны кармалды

Казакстанга 2 тонна күрүчтү мыйзамсыз алып кирүүгө аракет кылган жаран кармалды. Бул тууралуу бүгүн, 12-мартта казакстандык маалымат каражаттары жазышты.

Маалыматка караганда, кармалган адам 45 жаштагы кыргыз жараны болгон. Ал Мерседес-Бенц үлгүсүндөгү унаасы менен 2 тонна күрүчтү кыргыз жеринен Казакстанга мыйзамсыз алып кирүү аракетин көргөн. Ошондой эле кыргыз жаранында эч кандай уруксат кагаздары болгон эмес. Учурда тергөө амалдары жүрүп жатат.

Автор: Бекжан Рыскулов