Бишкекте Жеке турак жай жана курулуш департаментинин кызматкери пара алып жаткан жеринен кармалды

Бишкек шаардык мэриясынын Жеке турак жай жана курулуш департаментинин кызматкери пара алып жаткан жеринен кармалды. Бул тууралуу бүгүн, 12-мартта Ички иштер министрлигинин басма сөз кызматы билдирди.

Маалыматка караганда, милиция кызматкерлерине шаар тургуну кайрылган. Анда ал аталган департаменттин кызматкери жер маселеси боюнча соттун оң чечим чыгарышына жардамдашарын айтып, 600 доллар талап кылганын билдирген. Бул боюнча иликтөө иштери жүрүп, кылмышка шектүү 18 миң сом пара алып жаткан жеринен кармалган. Учурда кылмыш иши козголуп, тергөө амалдары жүрүп жатат.

Автор: Бекжан Рыскулов