Борбор калаада буту менен сүрөт тарткан Төлөн Жумагуловдун жеке көргөзмөсү ачылды

Төлөн Жумагуловдун уулу Муслим: "Атамды кышында тоңуп иштебе деп башында урушчумун. Өзүнүкүн бербеген көк бет адам. Үйдө отурганды жаман көрөт. Эл менен аралашып жүргөндү жактырып жатса, эми кантип иштебе дейсиң?"- деди.

Төлөн мырза башкы кыялынын бири орундалып жатканына сүйүнүп, уюштуруучуларга ыраазычылыгын билдирди.

Сүрөтчүнүн келини Айзат Шакиева: "Биздин агабыздын эркин, оңой эмес тагдыр менен күрөшкөнүн көрүп, жашоого нааразы болгон дени сак адамдар сабак алышса дейм".

Биринчи көргөзмөсүн сүрөтчү Төлөн Жумагулов толкунданып карап жатты.

Төлөн мырза көбүнчө портрет жанрындагы сүрөттөрдү тартат. Алардын басымдуу бөлүгү белгилүү ырчы кыздар.

Төлөн Жумагулов жер астындагы өтмөктө буту менен сүрөт тартат.

Бүгүн, 23-мартта борбор калаадагы соода түйүндөрүнүн биринде ден соолугунун мүмкүнчүлүгү чектелген Төлөн Жумагуловдун жеке көргөзмөсүнүн ачылыш аземи орун алды. Көргөзмөдө буту менен сүрөт тарткан таланттуу сүрөтчүнүн 50гө жакын эмгеги орун алды. Иш-чаранын жүрүшүндө сүрөтчүнүн жашоосун баяндаган даректүү тасма эл назарына коюлду.

Төлөн мырза алгачкы жолу уюштурулуп жаткан жеке көргөзмөсүнө келини Айзат Шакиева менен келди. Башкы кыялынын бири орундалып жатканына сүйүнгөн ал уюштуруучуларга ыраазычылыгын билдирип өттү. Жүрөгүндө сүйүү жашаган адам бактылуу экенин белгилеп, кайгылуу кыргыз тасмаларын көргөндү жактырарын айтты.

"Кайнагам шал оорусу менен төрөлүптүр. Дарыгерлер "бул бала адам болбойт, ийне сайып өмүрүн токтотуп коёлу" деп сунушташыптыр. Тогуз ай көтөрүп, толготуп төрөгөн баласын эне кантип кыят? Алардын сөзүн четке кагып кайненем кыйналса да багып чоңойтуптур. Бой жетип, балдар үйүндө тарбияланган кызга үйлөнгөн. Жубайы өпкө оорусунан каза болуп калган. Алардын ортосунда Муслим аттуу уулу бар. Ал 24 жашта, ден соолугу жакшы.

Ак-Ордо жаңы конушунда кичинекей үйү бар, ошондо турушат. 2003-жылы биринчи жолу шаарга биздикине келип, баш калаада отурукташып калды. Ошол жылдан бери жер алдындагы өтмөктө отуруп сүрөт тартып тамак-ашын табат. Жадакалса жалгыз баласынын окуу акысын төлөп жогорку билимдүү кылды. Бизге дагы жардам берип турат.

Негизинен портрет жанрындагы сүрөттөрдү көп тартат. Көргөзмө өткөрүү кайнагамдын башкы кыялдарынын бири эле. Аны ишке ашырууга көмөк көрсөткөн жаштарга терең ыраазычылык билдиребиз. Биздин агабыздын эркин, оңой эмес тагдыр менен күрөшкөнүн көрүп, жашоого нааразы болгон дени сак адамдар сабак алышса дейм",- деди Айзат Шакиева.

Белгилей кетсек, көргөзмө Жаштар институту тарабынан ден соолугунун мүмкүнчүлүгү чектелген жарандарга колдоо көрсөтүү максатында уюштурулду.

Буту менен сүрөт тарткан Төлөндүн тагдыры

Автор: Динара Абдыкадырова
Фото: Динара Абдыкадырова

17:45 23-03-2015

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 746 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 923 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1189 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1139 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 608 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2292 0

Архив

Комментарийлер (1)

Bektur2

2015-03-23 18:22:22

Жараткан АЛЛА денсолугуна кубат берсин жалгыз баласын ыймандуу кылсын. Алты саны аман адамдар кайыр сурап тапканын ичип салып эле жалдырап журушбойбу ал алкаштарга бергиче Толон братка окшогондорго кайрымдуу болгула жаштар.

Комментарий калтыруу үчүн өз ысымыңыз менен кириңиз же каттоодон өтүңүз.