Кыргыз жана Бангладеш элдеринин достугун бекемдөө максатында маданий иш-чараларды өткөрүү талкууланды

Бүгүн, 30-мартта КРнын Маданият, маалымат жана туризм министри Алтынбек Максүтов Бангладеш Элдик Республикасынын Кыргыз Республикасындагы атайын жана толук ыйгарымдуу элчиси Мосуд Маннанды кабыл алды. Бул тууралуу КРнын Маданият, маалымат жана туризм министрлигинен билдиришти.

Жолугушууда элчи кыргыз өлкөсүнүн жана Бангладештин элдеринин достугун бекемдөө максатында маданий иш-чараларды өткөрүү, анын ичинде үстүбүздөгү жылдын октябрь-ноябрь айларында Бангладештин сүрөтчүлөрүнүн көргөзмөсүн уюштуруу маселеси талкууланды.

Элчи поэзиянын күйөрманы экенин билдирүү менен кыргыз китептерин бенгаль тилине которууга, кыргыз элинин маданияты, адабияты, тарыхы менен Бангладеш өлкөсүнүн элин тереңден тааныштырууга кызыкдар экенин белгилеп өттү. Улуу жазуучу Чыңгыз Айтматовдун чыгармаларын жайылтуу үчүн китептер англис тилинде болушу керектигин билдирди.

Министр өз кезегинде элчини, жалпы Бангладештин өнөрпоздорун кыргыз жеринде боло турган эл аралык “Мейкин Азия” жана “Арт Ордо” фестивалдарына чакырып өттү. А.Максүтов ири масштабдагы мындай маданий алакалар эки элдин башын бириктирип, кызматташуунун маанилүү негизи болуп каларын белгиледи.

Автор: Динара Абдыкадырова
Фото: КРнын Маданият, маалымат жана туризм министрлиги

15:59 30-03-2015

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 935 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1042 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1268 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1239 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 660 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2416 0

Архив

Комментарийлер (1)

bossmos7

2015-03-30 16:43:17

Ушул мамлекет менен байланышты узуп коет элем ! Мен! Такыр жакыр мамлекет! Ушул мамлекет менен Пакистанды боюнча байланышты узуу керек! Булар зыяндан башка пайдасы жок!

Комментарий калтыруу үчүн өз ысымыңыз менен кириңиз же каттоодон өтүңүз.