Ысык-Көл. 2012-жылы мыйзамсыз аңчылык кылган 12 мергенчи кармалган

Ысык-Көл облусу боюнча 1650 мергенчи болсо, жыл башынан бери мыйзамсыз аңчылыкка чыккан 12 мергенчи колго түшкөн. Бул тууралуу өкмөткө караштуу аңчылык департаментинин Ысык-Көл облусундагы бөлүмүнүн жетектөөчү адиси Рысбек Абдраимов билдирди. Анын айтымында, мыйзамсыз мергенчилик кылгандар Жети-Өгүз районунда көп катталат. 2013-жыл башталгандан бери 1 кулжа, 2 кекилик, 2 коён, 7 тоо теке мыйзамсыз атылганы белгилүү болгон. Кошумчалай кетсек, кармалган адамдарга карата айып пул салынып, андан түшкөн каражат республикалык жаратылышты коргоо фондуна которулат.

Автор: Айзат Анарбекова