Олег Ребенок: "7-апрелде Курманбек Бакиевдин Ак үйдөн чыгып кеткенин саат 20:40та билдик"

"7-апрель күнү Ак үйдүн 6-кабатында болчубуз. Жанымдагы балдар менен бирге "Ала-Тоо" аянтында турган унаанын дөңгөлөгүнө ок чыгаргыла" деген буйрукту алып, ошону гана аткарганбыз. Бирок буйрукту ким бергенин билбейм. Саат 17:00дө "Илбирс" имаратынын үстүнөн ок атылып жатканын укканбыз. Саат 20:00дө биздеги октор түгөнүп калган болчу. Ал эми саат 20:40та президент Курманбек Бакиевдин Ак үйдөн чыгып кеткенин билдик". Бул маалыматты бүгүн, 19-февралда 7-апрель окуясы боюнча өтүп жаткан соттук отурумда "Альфа" атайын даярдыктагы аскерлер бөлүмүнүн мурдагы кызматкери Олег Ребенок айтты. Айта кетсек, Ребенокко "тынчтык митингин уюштуруп жаткан элге каршы ок чыгарган" деген айып тагылууда.

Автор: Мээрим Жеңишбек кызы