Мамлекеттик чек ара кызматы Баткендеги окуянын чоо-жайын түшүндүрдү

30-апрелде Баткенде эки кыргыз жаранын барымтага алып, Тажикстандын аймагына өтүп кеткен тажик жарандары кыргыз жарандарынан 180 килограмм сымап сатып алууга аракет кылышкан. Бул тууралуу Кыргыз Республикасынын Чек ара кызматынын 1-майда тараткан маалыматында айтылат. Маалыматка таянсак, 30-апрелде эки адамды барымтага алган Тажикстандын тогуз жараны Кыргыз Республикасынын аймагына мыйзамсыз кирген.

“Баткен районунун Кара-Бак айылына тажик жарандары мыйзамсыз кирип, кыргыз жарандарынан сымап сатып алууга аракет кылышкан. Ошол учурда алар кыргыз чек арачыларын көрүп калышып, булардын ичинен эки тажик жараны айылдын эки тургунун күч менен унаасына салып алышып Тажикстанга кирип кетишкен. Ал эми качууга үлгүрбөй калган жети тажик жана үч кыргыз кармалган. Ошол замат кармалгандар УКМКнын Баткен облустук башкармалыгына өткөрүлүп берилди”,- деп айтылат маалыматта. Ал эми учурда алар окуя боюнча көрсөтмө берип жатышканы айтылды.

Айта кетсек, кечээ, 30-апрель күнү саат 19:00 чамасында Баткен районунун Кара-Бак айылында Тажикстандын күч органдарынын кызматкерлери 1962-жылы туулган Темиркан Маматкулов жана 1989-жылы туулган Бекжан Абдураимов жаранды барымтага алып, Тажикстан тарапка өтүп кетишкен. Аты аталган эки кыргыз жараны учурда Тажикстандын Худжанд шаарында кармалып турганы айтылды.

Автор: Жамалидин Парманкулов

14:58 01-05-2015

Жазылуу

РУБРИКАДАГЫ СОҢКУ КАБАРЛАР

21:49 2025-05-16 | Саясат

Бишкекте ЖККУ ПАнын Кеңешинин көчмө жыйыны өтөт 407 0

21:19 2025-05-16 | Саясат

Президент беш калктуу конушту айыл категориясына киргизүү боюнча мыйзамга кол койду 1219 0

17:43 2025-05-16 | Супер-Инфо

Сүйүн Откеев, режиссёр: “Чоочун киши” сериалында эч ким күтпөгөн финал болот” 478 0

17:35 2025-05-16 | Коом жана турмуш

Америкада кыргыз тилин үйрөткөн Уларбек агай: "Чет элдик студенттер тилди бат эле үйрөнүштү" (маек) 1863 0

17:01 2025-05-16 | Коом жана турмуш

Ала-Арча сейил багына чейин кайрадан автобус каттай баштады 1011 0

16:45 2025-05-16 | Супер-Инфо

Бабл-чай – тренддеги суусундук 464 0

Архив

Комментарийлер (9)

nurik2103

2015-05-01 15:40:38

Энендурайындар жаман жан карайтыштыго жетимдер!!!

bazar

2015-05-01 15:47:25

Өзүбүздүкүлөрдө да бар тура. Мыйзамсыз иштерге неге аралашат? Тажиктер акылдуу экен, 9 тажикти каматпай соодалашуу үчүн биздин эки аңкоону алакетишкен. Эми ал экөөнү чыгарып алыш үчүн бул жакта мыйзам бузган тогуз тажикти бошотуш керек...

Danel

2015-05-01 17:35:39

Тажикистандын куч органдары эки Кыргыз жаранын кармап кетишкен деген соз кайдан чыкты деймда? Жогоруда "Булардын ичиден эки тажик жараны,айылдык эки тургунун куч менен унаасына салышып Тажикистанга кирип кетишкен" демек алып барып тажик куч органдарына тапшырышканбы? Биздин эки жаранды?

temirov76

2015-05-01 21:12:05

Озу ошол 9 тажик чек аранын кайсыл жеринен кантип отуп кетиптир?

aika1405

2015-05-01 21:32:14

Кантип отот эле ,тажиктер Баткенде беймарал эле журушот,тосулган эмес чек ара,арык болуп турат.

Aruukeramazan

2015-05-01 21:48:29

Тажиги деле озбеги деле билгенин кылып журушот.

bazar

2015-05-01 21:48:47

Эки буту менен басып өтүп кетиптир...

bom.bon

2015-05-01 22:13:14

Урматтуу чондор сымап сатам деген деп айыпты кыргызга коюп камап салбай. Ушундайдан пайдаланып тажиктерди кагып койгула бир аз чек ара деген бар дагы бузсанар жаман болот деп дегендей же укугубуз жокпу кыргызстандын..

ruslan1985

2015-05-01 23:53:03

Баткенде тажиктер келип кетип еле журушот кыргыздар да тажикистанга кирип чыгып еле журушот. Бирок айтылган Карабак айылында тонна тонна мыйзамсыз жуктор кирип жатат ошол жерди караш керек чек арачылар орган кызматкерлери корууп туруп кейийсын акчалуулар каалаган ишин кылып жатышат ал еми тоок уурдаган карапайым бечараны камашат

Комментарий калтыруу үчүн өз ысымыңыз менен кириңиз же каттоодон өтүңүз.