Бишкекте Ата Мекенди коргоочулар күнүнө карата кайрымдуулук концерти болуп, ага Раиса Атамбаева катышат

20-февралда Бишкектеги Мамлекеттик тарых музейинде 23-февраль - Ата Мекенди коргоочулар күнүнө карата кайрымдуулук концерти өтөт. Бул тууралуу КРнын Коргоо министрлигинин басма сөз кызматы билдирди. Иш-чараны Коргоо министрлиги жана Кыргызстан элдеринин ассамблеясы уюштуруп жатат. Концертке №62-мектептин жана Д.Асанов атындагы аскердик лицейдин окуучулары катышмакчы. Мындан сырткары майрамдык концертке президент Алмазбек Атамбаевдин жубайы Раиса Атамбаеванын, Маданият жана туризм министри Ибрагим Жунусовдун катышуусу күтүлүүдө.

Автор: Ширин Жумадилова