"Толук метр" тасмасында экс-президенттер, саясатчылар жана эстрада жылдыздары тамашага алынышат

"Толук метр" мульттасмасын жараткан команда жана көрсөтүүгө келген шоу-бизнестин өкүлдөрү

Түндүкия жана Түштүкиянын президенттери

Түштүкиянын президенти жан сакчылары менен

Түштүкияда каармандардын камакка да отурган учуру болот.

Түндүкиядан Түштүкияга жөнөгөндө башкы каармандар ар кандай кызыктуу окуяларга кабылышат.

Түндүкиядан Түштүкияга жөнөгөндө башкы каармандар ар кандай кызыктуу окуяларга туш болушат.

Башкы каарман эки досу менен Түндүкия жана Түштүкия деп экиге бөлүнгөн өлкөнү бириктирүү жолдорун ойлонуп жатышат.

Бүгүн, 6-майда Бишкектеги кинотеатрлардын биринде патриоттук комедия жанрында тартылган “Толук метр” мульттасмасын жабык көрсөтүү өттү. Иш-чарага чыгарманын автору Ниязбек Абазганов баштаган команда, кыргыз шоу-бизнесинин өкүлдөрү жана журналисттер келишти.

Мульттасманын сюжетине ылайык, 2020-жылдагы окуя чагылдырылып, анда Кыргыз Республикасы Түндүкия жана Түштүкия болуп эки мамлекетке бөлүнгөн болот. Башкы каарман - белгилүү тележурналист бул эки мамлекетти бириктирүү максатында эки досу менен Түндүкиядан Түштүкияга жөнөп, ар кандай күлкүлүү окуяларга туш болушат. Тасмада эки мамлекеттин өз алдынча президенттери болот, ал эми эки аймактын тургундары бири-бирин душман катары көрүшөт. Бирок буга карабастан, каармандар алдоо жолу менен Түштүкиянын аймагына тоскоолдуксуз өтүп, жергиликтүү элдин көз караштары менен таанышышат.

Мындан тышкары мульттасмада кыргыз эстрадасынын жылдыздары Омар, Арсен, Нурлан Насип, Мирбек Атабеков, саясатчылар, коомдук ишмерлер, өлкөнүн мурдагы жана учурдагы президенттери тамашага алынышат.

Автордун айтымында, бул тасма бир жылда тартылган. "Башында анын узактыгы 1,5 саатка жакын болгон, бирок айрым бөлүктөрүн кескен соң, жыйынтыгында 1 саатка барабар болуп калды. "Толук метрдин" уландысын тартууну дагы ойлонуштуруп көрөм",- деди Абазганов. Тасма экиге бөлүнүүнүн алдын алууга багытталган.

Айта кетсек, “Толук метр” мульттасмасы 30-апрелден тарта өлкөдөгү кинотеатрларда көрсөтүлө баштаган.

Автор: Нургазы Аматов
Фото: Нургазы Аматов

22:33 06-05-2015

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 746 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 923 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1189 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1139 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 608 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2292 0

Архив

Комментарийлер (1)

Мэри

2015-05-07 12:25:15

Уландысын тартууну ойлонбой эле койсо болот. Муктаж эмеспиз мындай тасмага (жеке мен). Комедия жанры, патриоттук дегени да жакпады, "Кыргызстан экиге бөлүнгөн мамлекет болот", "Түндүкия, Түштүкия" деп берүүнүн өзү патриоттукка жатпайт жана комедия эмес деп эсептейм (тасманы көргөн жокмун, бирок кыскача сюжетинен, ичиндеги сөздөрүнөн эле жакпай калды, балким, эрте жыйынтык чыгарып жаткандырмын, бирок ушинтип бергенин туура эмес дейм).

Комментарий калтыруу үчүн өз ысымыңыз менен кириңиз же каттоодон өтүңүз.