Асылбек Жээнбеков КМШ өлкөлөрүнүн парламент жетекчилерин жеңиштин 70 жылдыгы менен куттуктады

Жогорку Кеңештин төрагасы Асылбек Жээнбеков Көз карандысыз Мамлекеттер Шериктештигине мүчө өлкөлөрдүн парламент жетекчилерине Улуу Ата Мекендик согуштагы жеңиштин 70 жылдык мааракеси менен куттуктоо катын жөнөттү. Бул тууралуу бүгүн, 8-майда парламенттин маалымат кызматы билдирди.

"Биз адамзат тарыхындагы эң күчтүү душманды токтоткон жана жеңип чыккан ата-энелерибиздин алдында башты ийип таазим кылабыз. Алар фашисттик баскынчылардын негизги соккусун өзүнө алып, кан-жанын аябастан адамзатка эркиндик менен тынчтык тартуулашты. Жеңиш күнү биз үчүн кылымдардан кылымдарга ыйык күн катары кала берет",- деп айтылат төраганын куттуктоо катында.

Жээнбеков кесиптештерине, согуш жана оорук ардагерлерине чың ден соолук, узак өмүр, бакубат турмуш каалады.

Автор: Автандил Добулбеков