Бишкек-Ош унаа жолундагы жол кырсыгынан 3 адам каза тапты

Бишкек-Ош унаа жолунун 448-чакырымында жол кырсыгы болуп, 3 адам каза тапты. Бул тууралуу бүгүн, 12-май күнү Өзгөчө кырдаалдар министрлигинин басма сөз кызматы билдирди.

Маалыматка караганда, жол кырсыгы 12-майда саат 07:00 чамасында Таш-Көмүр шаарынын Аксы-Келдиш тилкесинде болгон. Анда Хонда Аккорд унаасы жолдон чыгып кетип, тереңдиги 50 метр болгон аңга түшүп кеткен. Анын кесепетинен 3 адам каза таап, 1 адам жабыркаган.

Каза тапкандар:

1.Өмүркул Сүйөркулов, 1989-жылы туулган.

2.Азизбек Сыдыков, 1972-жылы туулган.

3.Аты-жөнү такталууда.

Ал эми 1989-жылы туулган Азамат Эргешов учурда Таш-Көмүр шаарындагы ооруканада.

Автор: Бекжан Рыскулов