Оксана Малеваная: "Бакиевге электр энергиясынын баасын кымбаттатуу туура эмес экенин айткам"

"Курманбек Бакиевге электр энергиясынын бааларын кымбаттатып туура эмес кылып жатканын айткам. Ал эми 6-апрель күнү Ак үйдө Жаныш Бакиев, Данияр Үсөнов, Мурат Суталинов жана башка мен тааныган жана мен тааныбаган адамдар Таластагы окуялар тууралуу сүйлөшүү жүргүзүшкөн. Алар кыргыз тилинде сүйлөшкөндүктөн, мен эмне жөнүндө сөз болгонун түшүнгөн эмесмин. Ал эми Данияр Үсөнов кандайдыр бир тик учак боюнча Транспорт жана байланыш министрлиги менен сүйлөшүп жатканын уккам".
Бул - Кыргызстандын мурдагы президентинин катчылыгынын жетекчиси Оксана Малеванаянын өлкөдөн качып кете электеги тергөө учурунда берген маалыматы. Анын бул билдирүүсү бүгүн, 20-февралда Бишкекте 7-Апрель окусы боюнча өтүп жаткан соттук отурумда угузулду.

Автор: Мээрим Жеңишбек кызы