Талас. Облуста жаңы шайланган жаш депутаттардын форуму өтүүдө

Бүгүн, 20-февралда КРнын Жаштар, эмгек жана иш менен камсыз кылуу министрлигинин Талас облустук башкармалыгынын имаратында Талас облусунда шайланган жаш депутаттардын пикир алмашуусун камсыз кылган форум өтүүдө. Иш-чарага өкмөттүн Талас облусундагы өкүлүнүн орун басары Рыскелди Ботиков да катышты. 2 күнгө созулчу бул форумда КРнын мамлекеттик жаштар саясатынын 2015-жылга чейинки стратегиясын ишке ашыруу, Талас облусунун жаш депутаттарынын мүмкүнчүлүктөрүн жогорулатуу маселелери талкууланмакчы. Ошондой эле катышуучулар ортосунда жергиликтүү кеңештин депутаттарынын укуктары жана милдеттерине байланыштуу жаралган көйгөйлөр тууралуу пикир алышуу болмокчу.

Автор: Нургүл Чабдарова