Жалал-Абад. "Кыргызстан - менин мекеним" аттуу фестиваль өттү

21-февралда Жалал-Абад шаарындагы Барпы театрында "Кыргызстан - менин мекеним!" аттуу ар кайсы улуттун өкүлдөрү катышкан фестиваль болуп өттү. Өкмөттүн Жалал-Абад облусундагы өкүлчүлүгүнө караштуу облустук мамлекеттик тил комиссиясы тарабынан 21-февраль - Эл аралык эне тил күнүнө карата уюштурулган бул фестивалга облус жетекчисинин биринчи орун басары Жумагүл Эгембердиева жана облустагы ар кайсы улуттун диаспоралары катышты. Бул тууралуу өкмөттүн Жалал-Абад облусундагы өкүлүнүн басма сөз катчысы Жакшылык Стамбеков кабарлады.

Иш-чарада ар кайсы улуттун ыр-бийлери тартууланып, облустук филармониянын белгилүү ырчылары, ЖАМУнун таланттуу бийчилери коштогон майрамдык концерт тартууланды. Соңунда облустук аталган тил комиссиясы тарабынан диаспора өкүлдөрүнө дипломдор жана баалуу белектер ыйгарылды.

Автор: Гүлжан Эшбаева