Ысык-Көл. Ири өлчөмдө баңгизат алып жүргөн 2 өспүрүмгө кылмыш иши козголду

Ысык-Көл облусунун Ак-Суу районунда ири өлчөмдө баңгизат менен эки өспүрүм кармалды. Бул тууралуу облустук ИИБинин басма сөз кызматынын жетекчиси Сталбек Усубакунов билдирди. Анын айтымында, Ак-Суу РИИБинин баңгизатын мыйзамсыз жүгүртүүгө каршы күрөшүү бөлүмүнүн ыкчам тобу аталган 2 жаранды баңгизатын сатканы жаткан жеринен кармашкан. Алар 16 жаштагы Ак-Суу районунун Сары-Камыш айылынын тургундары К.Б. жана Э.Кдан 9 килограмм марихуана алынган. Учурда аталган факты боюнча кылмыш иши козголгону белгилүү болду.

Автор: Айзат Анарбекова