Стадионго жооптуу башкармалык күйөрмандардын стадионго кире албай калганы боюнча расмий билдирүү жасады

Дөлөн Өмүрзаков атындагы башкы стадион боюнча жооптуу болгон Спорттук курулмалар жана спорттук камсыздоо башкармалыгы кыргыз өлкөсү менен Австралиянын беттешинде күйөрмандардын стадионго кире албай калганы боюнча расмий билдирүү жасады. Башкармалыктын башчысы Эдил Касеновдун билдирүүсүн Дене тарбия жана спорт мамлекеттик агенттиги бүгүн, 18-июнда таратты.

Маалыматка ылайык, ФИФАнын эрежесине таянып, башкармалык 15-июнда Дөлөн Өмүрзаков стадионун КРнын Футбол федерациясына өткөрүп берген. "Бизге стадионду даярдоо милдети жүктөлгөн. Биздин кызматкерлердин күнү-түнү аткарган иштеринин жыйынтыгында биз стадионду даяр кылдык. ММКларда жана социалдык тармактарда уюштуруу иштериндеги чабалдыкты катуу талкууга алып жатышат. Спорттук курулмалар жана спорттук камсыздоо башкармалыгы 15-июнда стадиондун бардык эшиктеринин ачкычтарын беттештин уюштуруучуларына тапшырганбыз жана биз эшикти жаап, күйөрмандарды киргизбөө буйругун бере алмак эмеспиз. Башкармалык техникалык жабдуулар менен камсыздоону жана имаратты тейлөө иштерин тейлөөдө өз ишин аткарды",- деп билдирет Э.Касенов.

Маалыматта стадиондун директору Абдыхалил Сартбаев да оюн башталганда сыртка чыгып, кайра стадионго кире албай калганы жазылган. Башкармалык күйөрмандарды ичке алууну токтотуу боюнча тапшырманы кимдин бергенин билип берүү суранычы менен ИИМге кайрылды.

Кошумчалай кетсек, 2018-жылкы Дүйнө чемпиондугунун тандоо турунун алкагында өткөн Австралияга каршы беттеш 2:1 эсебинде коноктордун жеңиши менен аяктаган. Бул күндүн эң чоң чыры билети бар күйөрмандардын стадионго кире албай калганы менен байланыштуу.

Автор: Максат Кудайбердиев

13:31 18-06-2015

Жазылуу

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 173 0

01:07 2025-05-16 | Кылмыштар, кырсыктар

Ак-Буура дарыясына өспүрүм бала түшүп кетти 229 0

00:36 2025-05-16 | Түркүн дүйнө

Франция Иранды Эл аралык сотко берет 284 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 239 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 745 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 558 0

Архив

Комментарийлер (6)

Uli6886

2015-06-18 13:41:46

Тушунгон жокмун. Айландирип эле кайра не дегенин озуда билбейт.

Lenin

2015-06-18 14:55:48

Uli6886,
Тушунбой турган мне бар. 150 сомдук билетти 500-800 сомго сатып алган куйормандар, бекерчилердин айынан футбол коро алышпай калды. Эми стадион админи акчаларын кайтарып беришкени жатат. Но только 150 сомду.

aidartegin

2015-06-18 14:53:47

Ичке алып кандайча????????????

sterva

2015-06-18 15:28:21

2018 Жылкы дейви???2018ж да ушундай болотпу?

-3

Lenin

2015-06-18 16:00:57

Бул жакта кыргыздар барбы? ))))
Ичке алуу=киргизуу.

st1m_

2015-06-18 21:52:08

Кыпкыргызча жазылган созду ал эмне, бул эмне, тушунбодум дегендер кобойду.Кыргызча озунун денгээлин билген сон элди да эзип, адамдын итиркейин келтирбей кыргыз сайттарга кирбей эле койсонор болгудай.Негизи бизде кыргызча билип турса да билбемиш, олумуш болуп, акцент менен тилин чайнап суйлоп мактаныч кылган чала эстер кобойду.Ушул жосунунар менен кыргыз баласымын (кызымын) дегенден айланып эле кеткиле улуттун кесепеттери. Стадионго аттап кирип, кыргызды уят кылгандар да ушундай макулуктар.

Комментарий калтыруу үчүн өз ысымыңыз менен кириңиз же каттоодон өтүңүз.