Алмазбек Атамбаев Бүткүл дүйнөлүк бажы уюмунун башкы катчысын кабыл алды

КРнын Президенти Алмазбек Атамбаев бүгүн, 1-июлда Бишкекте өтө турган Бажы администрациялар кеңешинин жыйынына катышуу үчүн келген Бүткүл дүйнөлүк бажы уюмунун башкы катчысы Кунио Микураны кабыл алды. Бул тууралуу президенттин басма сөз кызматы билдирди.

Жолугушууда Кыргыз Республикасы менен Бүткүл дүйнөлүк бажы уюмунун кызматташтыгы, бажы инфраструктурасын жакшыртуу жана өлкөнүн бажы саясатындагы укуктук негиздемени иштеп чыгуу маселелери талкууланды.

Автор: Айпери Ганыжан кызы
Фото: Султан Досалиев