Бишкектин көчөлөрүндө мыйзамсыз илинген 68 даана көрнөк-жарнак алынды

22-февралда Бишкек шаарында рейд жүргүзүлүп, Л. Толстой жана Некрасов көчөлөрүндөгү талапка жооп бербеген жана мыйзамсыз илинген 68 даана көрнөк-жарнак алынды. Аталган иш-чара шаардык мэриянын “Бишкек шаарынын көркөм-эстетикалык көрүнүшүн жакшыртуу чаралары” токтомунун алкагында уюштурулду. Рейд Бишкек шаардык жарнама департаментинин, Ленин жана Биринчи Май райондук администрацияларынын, Мамлекеттик тил комиссиясынын жана “Тазалык” ишканасынын кызматкерлери менен биргеликте жүргүзүлдү.

Автор: Ширин Жумадилова