Баткен облусундагы Кулунду-Максат унаа жолунун курулушу март айында башталат

Баткен облусунун Лейлек районундагы Тажикстандын аймагын айланып өтүүчү Кулунду-Максат унаа жолу март айында курула баштайт. Бул тууралуу депутат Жусупали Исаев Лейлек районунун тургундары менен болгон жолугушуу учурунда айтканын ЖКнын басма сөз кызматы билдирет. Ошондой эле быйыл Сүлүктү шаарына караштуу Кольцо айылындагы жаңы мектептин курулушу аяктайт. “2013-жылдын бюджетинде мындан башка да социалдык мекемелерди куруу үчүн каражат каралды",- деди эл өкүлү.

Автор: Ширин Жумадилова