Кара-Суу районунун Карагур айылында катуу жааган жамгырдын кесепетинен сел жүрүп, сел калдыктары унаа жолду тосуп калды

Кечээ, 20-июль күнү саат 17:30 чамасында Кара-Суу районунун Карагур айылында катуу жааган жамгырдын кесепетинен сел жүрүп, сел калдыктары унаа жолду тосуп калган. Бул тууралуу бүгүн, 21-июлда Өзгөчө кырдаалдар министрлигинин басма сөз кызматы билдирди.

Маалыматка караганда, 4 үйгө сел суулары кирип, 4 зым карагайдын электр чубалгылары үзүлгөн. Мындан улам учурда аталган айылда электр жарыгы жок. Ал эми унаа жолду тосуп калган сел калдыктарын тазалоо иштери жүрүп жатат.

Автор: Бекжан Рыскулов