Баткен районунда жер кыртышы жарылып, дарыяны бөгөп калуу коркунучу пайда болууда

Баткен районунун Жаңырык айылында жер кыртышы жарылып, дарыяны бөгөп калуу коркунучу пайда болууда. Бул тууралуу бүгүн, 24-июлда ӨКМнын басма сөз кызматы билдирди.

Маалыматка караганда, жарылган жарыктын ортосундагы кээ бир жерлер 40-50 сантиметрге чейин чөгүп кеткен. Көлөмү болжол менен 2 миллион метр кубду түзөт. Ошондой эле Сох-Кан-Зардалы унаа жолунун 32-33-чакырымында да жаракалар пайда болгон. Бүгүнкү күндө унаалар өтө кыйынчылык менен өтүүдө. Жогорудагы аймакта эгерде узак мөөнөт жамгыр жааса же жер титирөө катталса, жер көчкү жүрүп, жолду басып, Көк-Суу дарыясын тосуп калуу коркунучу бар. Ошондуктан Дара айыл аймагынын жашоочуларынын коопсуздугун эске алып, тез арада алдын алуу зарыл.

Автор: Бекжан Рыскулов