Ала-Бука районундагы "Бозумчак" кенине кеткен жолду тоскондор административдик жоопкерчиликке тартылышты

Жалал-Абад облусунун Ала-Бука районундагы "Бозумчак" кенине кеткен жолду тоскондор административдик жоопкерчиликке тартылышты. Бул тууралуу бүгүн, 28-июлда Жалал-Абад облустук ички иштер башкармалыгынан билдиришти.

Маалыматка караганда, "жол тосууну уюштурган" делген 3 адамга 3 миң сомдон айып пул салынган.

Айта кетсек, 24-июль күнү митингге чыккандар Ала-Бука – Көк-Таш унаа жолун тосуп алышып, жумушчулардын 70 пайызы жергиликтүүлөр болушу керектигин жана ички чарбалык жолдорду оңдоону талап кылышкан. Эртеси эртең менен тарап кетишкен.

Автор: Бекжан Рыскулов