Жогорку Сот: "Оксана Малеваная боюнча кылмыш иши сотко келе элек"

Жогорку Соттун басма сөз кызматы Башкы прокуратуранын "президенттик катчылыктын мурдагы башчысы Оксана Малеваная боюнча кылмыш иши сотко жөнөтүлдү" деп тараткан маалыматын төгүнгө чыгарды. Маалым болгондой, Оксана Малеваная боюнча кылмыш иши сотко келе элек.

Ал эми 28-июлда Башкы прокуратура Малеваная боюнча кылмыш иши сотко жиберилип, Октябрь райондук сотунун кароосунда турганын билдирген.

Айта кетсек, Малеванаяга Бишкектеги “Учкун” ачык акционердик коомунун имаратынын 15-16-кабаттарын мыйзамсыз бөлүп алуу фактысы боюнча кылмыш иши козголгон.

Автор: Жамалидин Парманкулов