Бишкекте биринчи жолу Кытай филармониялык оркестринин концерти өтөт

Бишкекте биринчи жолу Кытай филармониялык оркестринин концерти өтөт. Бул тууралуу бүгүн, 4-августта Маданият, маалымат жана туризм министрлигинен билдиришти.

Маалыматка караганда, дирижёр Ся Сяотэн баштаган филармониялык оркестр кытай жана кыргыз классикалык музыкасына таандык чыгармаларды аткарат. Концерт 8-август күнү Бишкектеги Т.Сатылганов атындагы Кыргыз улуттук филармониясында болот.

Айта кетсек, буга чейин Кытай филармониялык оркестринин чыгармачылык кечеси Лондон, Вена, Нью-Йорк, Токио, Сингапур, Рим шаарларынын концерттик залдарында өткөн.

Автор: Бекжан Рыскулов