Боо-Терек айыл өкмөтүнүн жооптуу кызматкерлери "264 миң сомду өз эсебине өткөргөн" деп шектелишүүдө

Бакай-Ата райондук прокуратурасы УКМКнын Коррупцияга каршы күрөшүү кызматы менен биргеликте Боо-Терек айыл өкмөтүнүн ишмердүүлүгүн текшерүүгө алган. Натыйжада аталган айыл өкмөттө иштеген жооптуу кызматкерлер 2015-жылдын биринчи жарымында бухгалтердик документтерди жасалмалап, өз эсебине 264 657 сомду өткөрүп алышканы белгилүү болгон. Бул тууралуу 17-августта Башкы прокуратуранын басма сөз кызматы билдирди.

Факт боюнча "ишеним көрсөтүлгөн мүлктү өз эсебине өткөрүү" жана "кызматтык жасалмалуулук" беренелери менен кылмыш иши козголуп, иликтөө жүрүүдө.

Автор: Айпери Ганыжан кызы