Жылнаама, 27-сентябрь: Мындан 82 жыл мурун дүйнөдөгү "эң жаш эне" атка конгон Лина Медина туулган

* Мындан 47 жыл мурун, 1968-жылы ЖКнын экс-депутаты Камчыбек Ташиев Жалал-Абад облусундагы Сузак районунун Барпы айылында туулган. 1992-жылы Томск мамлекеттик университетин инженер-химик адистиги боюнча, 1999-жылы Кыргыз улуттук университетин юрист адистиги боюнча аяктаган. Камчыбек Ташиев 1987-1989-жылдары Советтик Армиянын катарында кызмат өтөгөн.

Эмгек жолун 1993-жылы “Мээрим-Ай” өндүрүштүк-коммерциялык фирмасын негиздеп жана жетектөө менен баштаган. 2010-жылдын декабрынан тартып 5-чакырылыштагы Кыргыз Республикасынын Жогорку Кеңешинин депутаты болуп шайланып, “Ата Журт” депутаттык фракциясынын лидери болгон. Ал эми 2013-жылдын 20-августунда Борбордук шайлоо комиссиясы “ата журтчу” депутат Камчыбек Ташиевди депутаттык мандатынан ажыраткан.

* Мындан 82 жыл мурун, 1933-жылы дүйнөдөгү "эң жаш эне" атка конгон Лина Медина Перуда туулган. Ал 5 жаш 7 айында эле эне болууга жетишкен. Азыркы учурда ал медицинанын тарыхындагы эң жаш эне болуп эсептелинет.

Линанын ата-энеси анын ичи чоңоюп кеткенинен улам доктурга кайрылышкан. Доктурлар алгач шишик бар деп ойлошсо, аздан соң Линанын жети айлык боюнда бар экени билинген. Ушундан бир жарым ай убакыт өткөн соң, 1939-жылдын 14-майында Лина эркек балалуу болгон. Линанын жамбаш сөөгү жакшы өөрчүбөгөнүнө байланыштуу ал эң мыкты адистердин катышуусу астында операция жолу аркылуу көз жарган. 2,7 кг салмакта төрөлгөн наристеге Херардо деген ысым ыйгарышкан. Херардо Линаны өз эжесиндей көрүп чоңойгон, он жашка чыкканда гана ал өзүнүн энеси экенин билген. Ден соолугу чың болуп чоңойгону менен, тилекке каршы, 1979-жылы кырк жаш курагында сөөк оорусунан каза болгон. Кийинчерээк Медина Раул Жерадо аттуу жигитке турмушка чыгып, андан 1972-жылы экинчи эркек баласын төрөгөн.

* Мындан 20 жыл мурун, 1995-жылы дүйнө жүзүндөгү эң узун бойлуу кыз Элисани Сильва Бразилияда төрөлгөн. Анын бою 206 сантиметрди түзгөн. Адистердин айтымында, анын бою жыл сайын өсүп турган. Мектепке барыш үчүн автобуска батпай калган. Бул сыяктуу кордуктарга чыдабай мектепти таштап койгон Элисани Сильва модель болууну самаган.

* Мындан 12 жыл мурун, 2003-жылы тоолуу Алтайда күчү 7,3 баллга жеткен зилзала болгон. Мунун кесепетинен көптөгөн көчкүлөр түшүп, жерде жаракалар пайда болгон. 2 миңге жакын турак үй, 25 мектеп, 16 оорукана бузулуп, Бельтир айылы толугу менен кыйраган.

27-сентябрда кыргыз өлкөсүндө жана дүйнөдө орун алган окуялар тууралуу кененирээк бул жактан окуй аласыздар.

Автор: Гүлзат Мамытканова

08:13 27-09-2015

Жазылуу

РУБРИКАДАГЫ СОҢКУ КАБАРЛАР

15:36 2025-05-15 | Коом жана турмуш

Президент хоккей боюнча улуттук кураманын мүчөлөрүнө акчалай сыйлык тапшырды (сүрөт) 26 0

15:33 2025-05-15 | Коом жана турмуш

SUPER.KG порталынын журналисти Мароккодогу дүйнөлүк конгресске катышууда 40 0

15:25 2025-05-15 | Коом жана турмуш

Чүйдүн чегиртке каптаган талааларында дарылоо иштери жүрүүдө (видео) 86 0

15:00 2025-05-15 | Коом жана турмуш

Президенттин иш башкармасы МИКке нааразы болгон депутатка жооп берди 339 0

14:45 2025-05-15 | Саясат

"Оппозициялык күчтөр кылып жатса керек". Садыр Жапаров кыргыз-казак тарыхы боюнча маек берди 321 0

14:34 2025-05-15 | Коом жана турмуш

+39 градуска чейин ысыйт. 16-майга карата аба ырайы 239 0

Архив

Комментарийлер (6)

aku

2015-09-26 23:32:30

5-жашында торогонду ойлосом да окшошпой атат,тооба мумкун эмес го

Mars55

2015-09-27 00:51:30

тообо кантип эле 5 жашар кыз торосун калпты да эби мн айтыш керек,эч кандай энелик гармондор даяр эмес

mira28

2015-09-27 01:33:19

Mars55, видеосу менен бар го торогону чын

korul.alai001

2015-09-27 02:30:44

Кимден болду экен баласы

jeenkulov91

2015-09-27 10:14:13

korul.alai001, эч кимге айтпаптыр кимден экенин. Атасынан коруп атасын камакка алышкан экен эч кандай далилдери жок кайра камактан бошотушкан деп айтылат видеосунда.

Davlethan

2015-09-27 12:24:57

Азыр бул аял тиру ушул жашка келип да атасы ким экенин атпаган.

Комментарий калтыруу үчүн өз ысымыңыз менен кириңиз же каттоодон өтүңүз.