Өмүрбек Бабанов: "Шайлоо таза өттү, элдин үнү угулду"

"Республика-Ата Журт" партиясынын тең төрагасы Өмүрбек Бабанов парламенттик шайлоо таза өткөнүн билдирди. Партия лидери бүгүн, 5-октябрда өзүнүн интернет баракчасы аркылуу шайлоочуларына ыраазычылык билдирди.
"Урматтуу кыргызстандыктар, алтын элим! Колдооңуздар үчүн таазим этем, терең ыраазымын! Бул шайлоо чындап эле таза өттү, фальсификациялар болгон жок. Албетте, биометрикалык текшерүүдөн өтпөй калган жарандарыбыз болду, тыйын-тыпырга алдангандар дагы болду. Бирок бир чоң нерсе болду - элибиздин үнү угулду. Акчасына эмес, тазалыгына таянгандарды шайлаган элибизге күбө болдук. Эми өзүбүзгө алган жүктү көтөрүп кетүүгө бүт аракеттерибизди жасайбыз!"- деди Бабанов.

Автор: Автандил Добулбеков