Темир Сариев: "Мамлекет үчүн коопсуздук башкы орунда турат"

"Мамлекет үчүн коопсуздук башкы орунда турат". Мындай пикирин өкмөт башчы Темир Сариев 27-октябрда радиого маек берип жатып билдирди. Ошондой эле өкмөттүн коопсуздук жана коомдук тартипти сактоодогу аткарып жаткан иштери тууралуу айтып берди.

Өкмөттүк аппараттан билдиришкендей, Сариев укук коргоо тармагынын ишин жакшыртуу жана жарандардын ишенимин кайтаруу боюнча аракеттер көрүлүп жатканын белгиледи. Анын алкагында Жол-кайгуул кызматын реформалоо, укук коргоо органдарынын материалдык-техникалык базасын жакшыртуу жана кызматкерлердин кесиптик чеберчилигин көтөрүү, жарандар менен тыгыз иш алып баруу, экстремизм жана терроризмге каршы күрөштү күчөтүү боюнча иштер аткарылып жатканын санап өттү.

“Учурдагы өкмөт укук коргоо органдарынын ишиндеги кемчиликтерин жоюу боюнча бардык аракетти көрөт. Анда биз жарандык коом менен тыгыз иш алып барууга даярбыз”,- деди ал.

Автор: Жамалидин Парманкулов