Кыргыз мамлекетинде 9 айда миңден ашык этникалык кыргызга кайрылман статусу берилди

Эмгек, миграция жана жаштар министрлиги Кыргыз Республикасына келген этникалык кыргыздарга кайрылман статусун берүүнү улантууда. Министрликтен бүгүн, 30-октябрда билдиришкендей, быйыл 9 айда 1158 адамга кайрылман статусу берилди:

Жалал-Абад облусунда - 253;

Баткен облусунда - 242;

Чүй облусунда - 256;

Ош облусунда - 90;

Бишкек шаарында - 220;

Ош шаарында - 97.

Кыргыз мамлекетинде учурда 37 454 этникалык кыргыз жашап жатканы айтылды. Мунун 19 791и Өзбекстандан, 17 424ү Тажикстандан, 36сы Орусиядан, 71и Кытайдан, 29у башка өлкөлөрдөн көчүп келгендер.

Автор: Автандил Добулбеков