Жогорку Кеңештеги комитеттердин төрагалары шайланды. "Республика-Ата Журт" фракциясына комитет берилген жок

Бүгүн, 6-ноябрда парламентте Жогорку Кеңештин түзүмүн бекитүү талкууланып, комитеттердин төрагаларына фракциялар тарабынан сунуш кылынган талапкерлерге жашыруун түрдө добуш берилди. Добуш берүүнүн жыйынтыгын эсептөө комиссиясы карап чыгып, 9 комитеттин 7си коалициялык көпчүлүккө, 2 комитет оппозициялык азчылыктагы "Бир бол" фракциясына берилгенин билдирди. Ал эми "Республика-Ата Журт" фракциясы Мыйзамдуулук, укук тартиби жана кылмыштуулукка каршы күрөшүү боюнча комитет менен Бюджет жана финансы боюнча комитетке сунуш кылган талапкерлер өтпөй калышты.

Түзүлгөн комитеттер жана анын төрагалары:

- Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитет - Галина Скрипкина (КСДП);

- Эл аралык иштер, коргоо жана коопсуздук боюнча комитет - Алмазбек Баатырбеков ("Кыргызстан");

- Агрардык саясат, суу ресурстары, экология жана аймактык өнүгүү боюнча комитет - Мирлан Бакиров ("Өнүгүү-Прогресс");

- Социалдык маселелер, билим берүү, илим, маданият жана саламаттык сактоо боюнча комитет - Садык Шер-Нияз ("Ата Мекен");

- Отун-энергетикалык комплекс жана жер казынасын пайдалануу боюнча комитет - Кожобек Рыспаев(КСДП);

- Транспорт, коммуникациялар, архитектура жана курулуш боюнча комитет - Иса Өмүркулов (КСДП);

- Экономикалык жана фискалдык саясат боюнча комитет - Нурланбек Макеев ("Кыргызстан");

- Бюджет жана финансы боюнча комитет - Аскарбек Шадиев ("Бир бол");

- Мыйзамдуулук, укук тартиби жана кылмыштуулукка каршы күрөшүү боюнча комитет – Жаныбек Бакчиев ("Бир бол").

Автор: Жамалидин Парманкулов

17:21 06-11-2015

Жазылуу

РУБРИКАДАГЫ СОҢКУ КАБАРЛАР

11:51 2025-07-18 | Кылмыштар, кырсыктар

Чүйдө мамлекетке 5 миллион сом зыян келтирүүгө шектелген жаран кармалды (видео) 106 0

11:44 2025-07-18 | Коом жана турмуш

Баткенде чек арадан көчүрүлгөн жарандар үчүн 257 турак үй курулууда 188 0

11:40 2025-07-18 | Коом жана турмуш

Маданият министри автобус айдап, сынап көрдү (видео) 242 0

11:36 2025-07-18 | Коом жана турмуш

Дем алыш күндөрү өлкөдө туруксуз аба ырайы күтүлөт 219 0

11:25 2025-07-18 | Коом жана турмуш

Чүйдүн Таш-Дөбө айылында 275 орундуу мектеп курулууда (видео) 123 0

11:20 2025-07-18 | Супер-Инфо

Канат Шабданбеков, блогер: “Президентти үч саат күтүп отуруп жолуктум” 200 0

Архив

Талкуу жабык.