Өлкө боюнча 10 ай аралыгында катталган жумушсуздардын саны 56,7 миң адамды түздү

Каржы министрлигинин расмий сайты 13-ноябрь күнү 2015-жылдын 10 айында өлкөнүн социалдык-экономикалык өнүгүүсүнүн жыйынтыгын жарыялады. Ага ылайык, республика боюнча катталган жумушсуздардын саны 2015-жылдын октябрь айынын соңунда 56,7 миң адамды түзгөн. Көрсөткүч 2014-жылдын тийиштүү мезгилине салыштырмалуу 2,8 пайызга азайган. Ал эми орточо эмгек акынын реалдуу өсүшү 2015-жылдын январь-сентябрында 1 пайызды түзгөн, номиналдык туюнтууда орточо эмгек акы 12 719 сом деңгээлинде болгон.

Автор: Айпери Ганыжан кызы