Ош шаарында акысыз юридикалык кеңеш берүү борбору иштей баштайт

Ош шаарында бүгүн, 10-декабрда жарандарга акысыз юридикалык кеңеш берүү борбору иштей баштайт. Юстиция министрлигинин билдиришинче, борбордун максаты - акысыз юридикалык көмөк көрсөтүү, калктын жардамга муктаж катмарынын укуктук жактан корголушун жакшыртуу, жарандардын укуктук, эркиндик жана мыйзамдык кызыкчылыктарынын ишке ашышына көмөктөшүү. Акысыз юридикалык жардам укуктук консультация формасында, юридикалык суроолор боюнча оозеки консультациялар аркылуу маалымат менен камсыздап, долбоордук документтерди түзүү боюнча да жардам бермекчи.

"Жарандардын адилеттикке жетишүүсү - мамлекеттин укуктук жана демократиялык жактан өнүгүшүнүн баскычын аныктап турган негизги принциптердин бири. Укуктук жардам алуу, укуктук сабаттуулукка жетишүү адилеттүүлүккө жетишүүнүн негизги жана маанилүү бөлүгү",- деп билдирет мекеме.

Автор: Автандил Добулбеков