Грек-рим күрөшү боюнча өлкө чемпиондугу өтүп, жеңүүчүлөр белгилүү болду

11-12-мартта Бишкектеги Кожомкул атындагы Спорт Ордосунда грек-рим күрөшү боюнча КРнын чемпиондугу болуп өттү. 2 күн ичинде өлкө аймактарынан келген 150дөн ашык балбан 7 салмак категориясында күч сынашты. Грек-рим күрөшү боюнча КРнын чемпиондугун уткандар:

Калыбек Жолчубеков (55 килограмм салмакта)

Арсен Эралиев (60 килограмм)

Арсен Айылчиев (66 килограмм)

Руслан Царев (74 килограмм)

Азат Бейшебеков (84 килограмм)

Аман Токтогонов (96 килограмм)

Мурат Рамонов (120 килограмм)

Эске салсак, бул мелдештен кийин Кыргызстандын күрөш боюнча улуттук курама командасы түзүлүп, апрель айында Индияда өтүүчү Азия чемпиондугуна жиберилет. Азия чемпиондугуна карата өткөрүлүүчү атайын сбор Ысык-Көлдө 15-мартта башталмакчы.

Автор: Максат Кудайбердиев