Жумакадыр Акенеев: "Бензиндин баасы дагы 0,5-1 сомго арзандады, бирок бул күтүлүп жаткан көрүнүш болчу"

“Бензиндин баасы дагы 0,5-1 сомго арзандады, бирок бул күтүлүп жаткан көрүнүш болчу”,- дейт КРнын Нефтетрейдерлер ассоциациясынын мурунку президенти Жумакадыр Акенеев. Ал SUPER.KG порталына 18-декабрда билдиргендей, күйүүчү-майлоочу каражаттарга баа 2015-жылдын башында эле арзандаш керек эле.

“Биз бензинди 100 пайыз Орусиядан алгандыктан, алар бааны түшүргүлөрү келбей, кымбат сатып жатышкан. Ал ортодо дүйнө жүзү боюнча күйүүчү-майлоочу каражаттардын наркы эбак түшкөн. Учурда Орусия базар экономикасынын талаптарына ылайык, арзандатууга аргасыз болду. Мындан тышкары Казакстандан аткезчилик жолу менен бензин кыргыз жергесине акырындык менен кирүүдө. Мунун баары анын арзандашына алып келүүдө”,- дейт Акенеев.

Ал кошумчалагандай, Кыргыз Республикасы Евразиялык экономикалык биримдикке мүчө болгон соң Казакстан январь айында 6 жылдан бери биздин өлкөгө күйүүчү-майлоочу каражаттарга салган тыюусун алат. “Ошондо 2016-жылдын январь айынан тарта бензиндин баасы мындан да арзандашы мүмкүн, анткени кыргыз нефтетрейдерлерине эки өлкөнүн бензинин тандап сатып алууга мүмкүнчүлүк түзүлөт. Казак бензини орус бензининен 10-15 пайызга арзан”,- деди Акенеев.

Учурда “Газпром” май куюучу жайында АИ-92 үлгүсүндөгү бензин 40 сом 50 тыйындан 1 сомго арзандап, 39 сом 50 тыйынды түзүп калды. Ал эми АИ-80 34 сом 50 тыйындан 50 тыйынга арзандап, 34 сомдон сатылууда, АИ-95 43 сом 50 тыйындан 43 сомго түштү.

Автор: Наргиза Бекжанова
Фото: Интернеттен алынды

16:01 18-12-2015

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 88 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 152 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 433 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 436 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 319 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1900 0

Архив

Комментарийлер (6)

Kasha03

2015-12-18 16:26:46

Жакшы жанылык, дагы ылдыйласа сонун болот

aash

2015-12-18 17:32:48

Мындан дагы арзан болуш керек болчу. Себеби Нефтинин дуйнолук баррелинин баасы 120 доллардан 39долларга тушту,3 эсе арзандаган. Жок дегенде 2 эсе менен эсептегенде 15-20 сомун тегерегинде болмок.

uragan007

2015-12-18 17:33:20

30 сомго тушсо жыргамакпыз гоооо чиркин

abdiev

2015-12-18 20:08:54

кана эми арзандап калса казакстанда ушул тапта 23сом экенго

chyngyz84

2015-12-18 20:33:53

аи80 казакстанда 21сом ушул тапта.

bond0202

2015-12-19 13:56:00

жакшы жанылык экен,ушундай жанылыктардан коп коп жазгыла

Комментарий калтыруу үчүн өз ысымыңыз менен кириңиз же каттоодон өтүңүз.