Парламент 2014-жылдын республикалык бюджетинин аткарылышы тууралуу отчётту бекитүү боюнча мыйзам долбоорун добуш берүүгө жөнөттү

Бүгүн, 23-декабрда Жогорку Кеңеште өлкө бюджетине тийиштүү мыйзам долбоорлору 2-окууда каралууда. Депутаттар алгач “Кыргыз Республикасынын 2014-жыл үчүн республикалык бюджетинин аткарылышы жөнүндө отчётту бекитүү тууралуу” мыйзамдын долбоорун экинчи окууда карап чыгышты.

Бюджет жана финансы боюнча комитеттин төрагасы Аскарбек Шадиев 2014-жылдын бюджетин аткаруунун жүрүшүндө 311 миллион сом өлчөмүндө бюджеттик каржы тартибин бузуу катталганын, атайын каражаттар жаатында да талаштуу маселелер бар экенин билдирди. Анын айтымында, өкмөт айтылган сын-пикирлерди иликтеп чыгып, тийиштүү чараларды көрүү менен 2016-жылдын май айына чейин кетирилген кемчиликтердин жоюлуу абалы боюнча кошумча маалымат берүүгө тийиш.

Жыйынтыгында мыйзамдын долбоору экинчи жана үчүнчү окууда добуш берүүгө жөнөтүлдү.

Автор: Жамалидин Парманкулов