Жогорку Кеңеш 2016-жылга республикалык бюджеттин долбоорун 2-окууда кароого киришти

Жогорку Кеңеш бүгүн, 24-декабрда "Кыргыз Республикасынын 2016-жылга республикалык бюджети жана 2017-2018-жылдарга болжолу жөнүндө" мыйзам долбоорун 2-окууда карап жатат. Ага өкмөт башчы Темир Сариев баштаган өкмөт мүчөлөрү катышууда.

Эске салсак, 2016-жылдагы республикалык бюджеттин жалпы кирешеси 124 миллиард 399 миллион сом, жалпы чыгашасы 146 миллиард 853 миллион сом өлчөмүндө белгиленүүдө. Бюджеттин тартыштыгы 22 миллиард 453 миллион сом деңгээлине чыгат. Бул ички дүң өнүмгө карата – 4,5 пайыз.

2017-жылдагы республикалык бюджеттин кирешеси 131 миллиард 504 миллион сом өлчөмүндө болжолдонуп, ал 2018-жылы 142 миллиард 212 миллион сомго чейин көбөйөт. Ал эми 2017-2018-жылдары мамлекеттик бюджеттин чыгашалары 170 миллиард 800 миллион сомду жана 175 миллиард 724 миллион сомду түзөрү болжолдонууда.

Автор: Жамалидин Парманкулов