Рейд: "Ош базарында" пиротехника саткандар милиция келгиче товарларын жашырганга үлгүрүшсө, кош бойлуу келин колго түшүп калды (фото)

Келе жаткан Жаңы жыл майрамына байланыштуу бүгүн, 24-декабрда "Ош базарындагы" пиротехникалык каражаттар сатылуучу жайларда Бишкек шаардык милициясы Экологиялык-техникалык инспекция жана Өрткө каршы кызматы менен биргеликте текшерүү жүргүздү.

Иш-чаранын жүрүшүндө пиротехниканы сатуунун талаптарын жана тартибин бузуу фактысы аталган базардын эки эле жеринен табылды.

Биринде өспүрүм бала пиротехниканы жашырганга аракет жасаганын милиция кызматкерлери байкап калышты. Сатылуучу майда-чүйдөлөр жаткан столдун астынан 50гө жакын ар түрдүү фейерверк табылды. Бирок коңшу дүкөндө иштеген аял ызы-чуу чыгарып, пиротехниканын баарын көтөрүп алып белгисиз жакка кетип калды. Анын аркасынан барган милиция кызматкери жарым жолдон кайра келе берген.

Рейд уланып, дагы бир пиротехника сатылуучу жай табылды. Ачык жерде көптөгөн пиротехниканы жайып саткан жаш кош бойлуу келин колго түшүп, милиция кызматкерлери анын пиротехникалык каражаттарын милиция бөлүмүнө алып кетишти. Ал эми соодагер келинге протокол түзүлдү.

"Ош базарынын" ичинде рейд тууралуу маалымат абдан тез тараганданбы же алдын ала билдирилгенденби, айтор, ушул эки эле жерде мыйзамсыз пиротехника сатылганы аныкталды. Ошентип, "Ош базары" боюнча рейд аягына чыкты.

Милициядан билдиришкендей, аталган каражаттарды сатуунун талаптарын жана тартибин бузган жарандар административдик жоопкерчиликке тартылышат.

Бишкек шаардык милициясы эскертет:

- пиротехникалык каражаттарды техникалык талаптарга ылайык гана колдонуу кажет;

- жанында ата-энеси жок өспүрүмдөргө пиротехникалык каражаттарды бербеш керек;

- пиротехникалык каражаттарды эл чогулган жерде жана тез жарылуучу заттардын жанында колдонбоо керек;

- иштетилип жаткан пиротехникалык каражатты адамга каратып аттырбаш керек.

"Ош базарда" пиротехниканы мыйзамсыз сатууга каршы рейд (24.12.2015)

Автор: Нургазы Аматов
Фото: Нургазы Аматов

17:48 24-12-2015

Жазылуу

РУБРИКАДАГЫ СОҢКУ КАБАРЛАР

17:57 2025-05-18 | Түркүн дүйнө

Сомалиде жанкечтинин жардыруусунан кеминде 11 киши набыт болду 277 0

17:23 2025-05-18 | Түркүн дүйнө

Зеленский менен АКШнын вице-президенти жылуу учурашышты (видео) 622 0

16:35 2025-05-18 | Коом жана турмуш

Өлкөдө 1200дөн ашык аялга Эне даңкы медалы берилет 357 0

16:28 2025-05-18 | Коом жана турмуш

Өлкө боюнча 1413 аял Баатыр эне ордени менен сыйланат 320 0

16:07 2025-05-18 | Коом жана турмуш

Мурдагы өкмөт башчы Сапар Исаковго чыгарылган сот өкүмү жокко чыкканы айтылууда 1223 0

15:36 2025-05-18 | Коом жана турмуш

Боом капчыгайы беш күн жарым-жартылай жабылып турат 350 0

Архив

Комментарийлер (12)

Arlenchik

2015-12-24 20:56:01

Колунардан келсе такырле сатууга тыйуу салып салбайсынарбы,оокат кылып аткан бир байкуштун товарын тартып албай.

Nazarova

2015-12-24 21:13:10

Фейерверк мененда оокат кылмак беле, бул деги куноода, бул майрам биздики эмес каапырлардыкыда! Ушуну саатууну Кыргызстанда сатууга тыйуу салса жакшы болмок.Бул балакеттен арылмакпыз.

-11

forestmen

2015-12-25 01:37:57

Байкуш озу кош бойлуу болсо, курсактагы баланы сыйлап деле калтырып кетишсе болмок. Алсыз экоону кармап, калганын качырып ийип жаман болуптур.

Moskva.kg

2015-12-25 01:59:32

1-ден таможныйдан ушуга окшогон жарылуучу заттарды откорбошу керек анан келип алып карапайым адамдарды кыйнай бергендин кереги жок

fanatka19

2015-12-25 02:48:29

Кыйын болсоңор өлкөгө таптакыр киргизбегиле,ал жактан акчаны алып өткөрүп ийип,кайра элдерден тартып албай.булар да убакыттан пайдаланып акча таап алалы деп атышат да.

Erniet

2015-12-25 04:24:44

Карапайым калкка калп эле рейд кыла бербей Чек араны кошуналардан коргоп албайсынарбы Пиротехниканын неси мыйзамсыз? Салют жаны жылда дайым эле атылат. Жанагы банкылдак жаш балдар ойногон ошол сыяктууларды жок кылыш керек

Sayragul

2015-12-25 09:23:22

Жаш балдар ойноп жургон жарылгычты таптакыр жок кылыш керек. Абдан зыян балдар бири-биринин капюшонуна ыргытып, кулагынын тарсылдагы жарылып, турдуу окуялар болууда. Ошону саткандар дагы ойлонбойт экен да.

TGA

2015-12-25 10:03:06

Кучунор кош бойлуу аялга жеттиби? Сатууга мумкун эмес болсо границадан киргизбей койгула. Бир бечаранын товарын тартып албай.

KUMKA

2015-12-25 10:17:45

Бул нерселердин баары кыргызстандын озундо жасап чыгарылат.Новый Век деген заводто,ошону эле жаап койсун

ere

2015-12-25 10:19:39

тыюууу сала турган болсонор чек арадан таптакыр киргизбегиле карапайым калк тыйынга зар болуп иштеп жатса кармап албай

Mars55

2015-12-25 12:27:19

Бизде мыйзам кучтуу иштейт бирок карапайым калк учун а байлар жана чондорго кучу жетбейт

tabyshmak

2015-12-25 14:25:05

Эгерде мындай каражаттарды сатууга тыюу салына турган болсо, анда алгач Кыргызстандын аймагына ал каражаттардын алынып кируусуно тыюу салынуусу зарыл. Товарды башка жактан сатып алып келип алган жарандар ал товарларды озу жемек беле анан? Сатыкка коёт да.

Комментарий калтыруу үчүн өз ысымыңыз менен кириңиз же каттоодон өтүңүз.