Ошто жөө жүрүүчүнү сүзүп, окуя болгон жерден качып кеткен жаран кармалды. Жабырлануучу ошол жерден жан берген

25-декабрда Ош - Эркеч-Там жолунда болжол менен саат 21:00дө Кара-Суу районунун 1957-жылы туулган жаранын сүзүп кеткен. Жабырлануучу окуя болгон жерден көз жумса, унаанын айдоочусу качып кеткен. Милицияга маалымат 26-декабрда келип түшкөн. Бул тууралуу Ош шаардык жана облустук ички иштер башкармалыгынан бүгүн, 28-декабрда кабарлашты.

Маалыматка ылайык, бул окуя боюнча көрүлгөн ыкчам иш-аракеттердин жыйынтыгында кылмышка шектелип Алай районунун 1990-жылы туулган А. уулу Д. аттуу жараны кармалды.

Автор: Максат Кудайбердиев