Иштебеген адамдарга маяна жаздырган Жалал-Абаддагы соттук-медициналык экспертиза кызматкерлерине козголгон кылмыш иши сотко өттү

Жалал-Абаддагы соттук-медициналык экспертиза кызматкерлерине козголгон кылмыш иши боюнча тергөө аяктап, иш сотко өттү. Бул тууралуу 29-декабрда Башкы прокуратуранын басма сөз кызматы билдирди.

Маалыматка караганда, Соттук-медициналык бюронун башчысы Д.О., башкы бухгалтер М.Г. жана кассир А.Г. 2010-2015-жылдар аралыгында мекемеде иштебеген кызматкерлер үчүн маяна жазып турушкан. Натыйжада мамлекетке 952 477 сомдук зыян келтирилгени аныкталган. Бул боюнча "кызмат абалынан кыянаттык менен пайдалануу", "кызматтык жасалмалуулук", "ишенип берилген мүлктү өз эсебине өткөрүп алуу" беренелери менен кылмыш иши козголгон. Тергөө иштеринин жүрүшүндө 781 000 сом мамлекетке кайтарылып берилген.

Автор: Айпери Ганыжан кызы