Акыркы сутка ичинде өлкөдө 13 өрт кырсыгы катталып, борбордогу үйлөрдүн биринен кишинин жансыз денеси табылды

Өткөн сутка ичинде өлкө аймагында 15 өрт кырсыгы катталып, аларды өчүрүүгө 21 өрт өчүрүү бөлүмү тартылган. Бул тууралуу бүгүн, 30-декабрда Өзгөчө кырдаалдар министрлигинин басма сөз кызматынан билдиришти.

Маалыматка ылайык, борбор калаада 6, Чүй облусунда 3, Нарын облусунда 1, Жалал-Абадда 3, Ош облусунда 2 өрт кырсыгы катталды.

Бишкек шаарындагы Офицерский туюк көчөсүндөгү үйлөрдүн биринен өрт чыгып, ал жерден 54 жаштагы Ат-Башы районунун тургунунун күйүп калган жансыз денеси табылган. Маркумдун денеси милиция кызматкерлерине өткөрүлүп берилген. Учурда өрттүн келип чыгуу себеби такталууда.

Автор: Мальвина Уметбекова