Жылнаама, 2-январь: Мындан бир жыл мурун ырчы Гүлзат Батырканова дүйнө салган

* Мындан 1 жыл мурун, 2015-жылы ырчы, алып баруучу Гүлзат Батырканова дүйнө салган.
"Сармерден" берүүсүнүн алып баруучусу Гүлзат Батырканова 1973-жылы 7-июнда Токтогул районунун Кетмен-Төбө айылында төрөлгөн. Сахнага алгачкы жолу 3-класс кезинде Токтогулда "Баатыр жөжө" аттуу ыр менен чыккан. Кийинчерээк "Жаш кыял" эстрада ансамбли ачылып, ага кирген. КУУнун журналистика факультетин бүтүргөн. "Карай берем", "Өмүр жазым", "Жүрөлүчү эскерип", "Айта көрбө" ырлары менен таанылган.
Гүлзат Батырканова 2015-жылы 2-январь күнү кечинде Ысык-Көл облусунан келе жатып жол кырсыгына кабылган. Жолдошу менен бара жаткан унааны каршы тилкеде келе жаткан унаа сүзгөн. Кырсыктан ырчы каза болуп, күйөөсү катуу жаракат алган.

* Мындан 13 жыл мурун, 2003-жылы Ысык-Көлдө туризм шартын өнүктүрүү максатында Семёнов капчыгайында лыжа базасы ачылган. Лыжа базасы Ысык-Көлдөгү туризмди өнүктүрүү максатын көздөп, анын курулушуна мамлекет эле эмес, жеке ишкерлер тарабынан да колдоо көрсөтүлгөн. Мындан улам салтанатка катышкан Кыргыз Республикасынын Президенти А.Акаев туризмди ашар жолу аркылуу да эл аралык деңгээлге көтөрсө боло турганын белгилеген.

* Мындан 29 жыл мурун, 1987-жылы орусиялык актриса Валерия Ланская Москвада туулган. Ал кичинекейинен муз үстүндө бийлөөгө кызыгып, апасы спорттун ушул түрү боюнча машыктыруучу болгондуктан, кызын да гимнастика жана муз үстүндөгү бийге үйрөткөн. Валерия Ланская 2005-жылдан тартып тасмаларга тартылып, "Есенин", "Заяц над бездной", "Кадетство", "Принцесса цирка" жана башка фильмдерде роль жараткан. "Принцесса цирка" фильминдеги трюктардын 80 пайызын өзү аткарган.

* Мындан 37 жыл мурун, 1979-жылы Антарктидадагы Жаштык станциясынан учарда Ил-14 ФКМ учагы кыйроого учураган. 3 киши каза болгон.

2-январда Кыргыз Республикасында жана дүйнөдө орун алган окуялар тууралуу кененирээк бул жактан окуй аласыздар.

Автор: Айпери Ганыжан кызы

08:12 02-01-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 252 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 345 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 696 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 637 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 423 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2361 0

Архив

Комментарийлер (3)

baltabaev

2016-01-01 18:17:01

Жакшы эжекебиз эле,

Nasi1981

2016-01-02 11:36:02

Жузунон нуру тогулгон, кулкусу шанга бологон, эх жанда жок жаркын жан эле. Шум ажал деген бир балээ, алып кетти сизди жаш эле. Жаманга олум жок, жакшыга омур жок деген ушул да.

Akmosha

2016-01-02 16:34:32

Сармердендин шаны эле,азыр негедир Гулбубу эже окшоштура албай жатат.Жаткан жери жайлуу болсун.

Комментарий калтыруу үчүн өз ысымыңыз менен кириңиз же каттоодон өтүңүз.