Екатеринбургда жоголгон Канат кызы Айганыштын иши боюнча "жашы жете электи өлтүрүү" беренеси менен кылмыш иши козголду

Екатеринбургда 4-январда жоголгон 13 жаштагы Канат кызы Айганышты издөөдө бардык тийиштүү тергөө амалдарын жүргүзүү үчүн "жашы жете электи өлтүрүү" беренеси менен кылмыш иши козголду. Бул тууралуу Свердлов облустук ички иштер башкармалыгына шилтеме берип орусиялык басылмалар жазып чыгышты.

"Кыздын саат 22:00дө дүкөндөн чыгып бара жатканы 2 видеокамерага тартылып калган. Андан кийин кайсы тарапка басып кеткени изилденип жатат. Азыр "Стрела" кинотеатрынын айланасында издөө жүрүүдө",- дейт издөө отрядынын координатору Алексей.

Кыргыз кызын издөөгө өз ыктыяры менен кошулган жарандар бар. Кошуналарынын айтымында, Айганыш мектепке барчу эмес, үйдө эжесинин кичинекей балдарын карап жүргөн. "Ал кичинекей үч баланы балдар аянтчасында ойнотуп, аларга жакшы мамиле кылганы көрүнүп турчу. Балдар жакшы кийинген, оюнчуктары бар, сырттан караганда колунда бар үй-бүлөгө окшош. Бирок Айганыштын жанынан улуу адамдарды көргөн эмесмин",- дейт издөө иштерине катышкан кошунасы.

Укук коргоо органдарынын маалыматына караганда, Айганышты кыргыз жеринен өткөн жылдын май айында анын 23 жаштагы эжеси алып келген. Окуя болгон күнү эжеси аны сүт алып келүү үчүн дүкөнгө жөнөткөн. Кызды издөөгө полициянын бардык бөлүмдөрү тартылды.

Канат кызы Айганыштын бою 145 сантиметр, кой көз, кашы калың, чачы кара. Ошол күнү күлгүн түстөгү күрмө, кочкул кызыл моюн орогуч, токулган баш кийим, кочкул кызыл лосина, күрөң кышкы өтүк кийип жүргөн. Көргөн-билгендер полиция кызматкерлерине (343) 370-41-66 же 356-42-11 телефон номурлары аркылуу билдиришсе болот.

Автор: Айпери Ганыжан кызы

10:50 12-01-2016

Жазылуу

РУБРИКАДАГЫ СОҢКУ КАБАРЛАР

17:57 2025-05-18 | Түркүн дүйнө

Сомалиде жанкечтинин жардыруусунан кеминде 11 киши набыт болду 523 0

17:23 2025-05-18 | Түркүн дүйнө

Зеленский менен АКШнын вице-президенти жылуу учурашышты (видео) 981 0

16:28 2025-05-18 | Коом жана турмуш

Өлкө боюнча 1413 аял Баатыр эне ордени менен сыйланат 427 0

16:07 2025-05-18 | Коом жана турмуш

Мурдагы өкмөт башчы Сапар Исаковго чыгарылган сот өкүмү жокко чыкканы айтылууда 1645 0

15:36 2025-05-18 | Коом жана турмуш

Боом капчыгайы беш күн жарым-жартылай жабылып турат 417 0

15:15 2025-05-18 | Түркүн дүйнө

ХАМАСтын Газа тилкесиндеги лидеринин сөөгү туннелден табылды 1852 0

Архив

Комментарийлер (27)

Ibragim.osh2016

2016-01-12 11:54:18

аман эсен табылып калсын

bolotbai3

2016-01-12 12:16:03

Урматтуу Ата энелер!!!, Россия Казакстанда бала багып жургон кызынардын келечеги кандай болот?Азыркы жаш уул кыздарыбыз жаш маалында окуп билим алыш керек да.Аа баланы кийин турмуш куруп балалуу болуп бага беришет.Азыркы убактылуу бала багып тапкан акчасына кызыкбагыла.Ушуну ойлонгулачы ата энелер.

dubai

2016-01-12 13:10:51

эжеси келесоо экен,13жаштагы оспурумго 3бала бактырып,ал озу кичине бала да!мектепке баргызбай,билим алдырбай озуно окшогон бир гастерди тарбиялап атат да,ал кыздын келечегин ойлогон да жок,3баласы каралып,уйу жыйналып,тамагы жасалып туруш керек,кыздын келечеги кызыктырбайт,кудай сактасын бирдеме болуп кетсе не болот,деги аман-эсен табылса экен...

Fatimka

2016-01-12 14:15:21

Кечээ эльмаш районунан коргондор бар экен. Издеп жатышат.

eduardali

2016-01-12 15:59:27

Ылайым табылып калсын АЛЛАХ озун жардам бер.

Drongo

2016-01-12 17:41:28

Оо Жараткан жардам бере кор,аман-эсен болуп,батыраак табылсын.

chingizhan01

2016-01-12 18:23:46

Эжесине таарынып кеткен окшойт.

sabyr86

2016-01-12 18:43:17

Ата энесин жоопко тартыш керек!кызын окутпай бала бакканы жиберип ийгени үчүн.эжесин жоопко тартыш керек жоопкерчилиги жок үчүн.

behappy74

2016-01-12 19:54:21

Эжесин жоопко тартуу керек. Жечу нанын озу алып келип жебейби кичине кызды жумшабай жети тундо, баласын бакканы эле жетиштуу экен го.

Moskva.kg

2016-01-12 22:55:31

Айланайын кыргыз элим акча учун олуп кетебизби оспурумдорду акча таап келгиле деп ботон жерге жонотбонуздорчу кыргыздарга да намыс керек

tavanova.sarah

2016-01-13 00:13:33

Жогоруудагы жазгандар, билип билбей клавишаны баса бербегиле да?! Бул жашоодо бары б.т! Бул байкуш кыздын атасы абакта, апасы ботолкого жакыныраак. Тууганы(кошунасы) "озубуз карайбыз, биздин балдарды караганча журот" деп алып келишкен". Аларда билишпеди да мындай бодуп кетерин. Кырсык каш кабактын ортосунда… Бул да болсо турмуштун айынан… Келгиле чын дилибиз м.н дуба кылайлы? "Эсен-аман кайтып келсин" деп.

isnur93

2016-01-13 02:40:53

tavanova.sarah,карайбыз деп алып кеткенден кийин караш керекда кеч киргенде кыз баланы кочого чыгарбай,болгондода чет жакта!эжеси да бир коркпогон немекен ,озунун балдарынан кошуп бербейби ушундай эле болбой жатса!эмнеси болсо да аман эсен табылып калсын.

sher90kgz

2016-01-13 00:39:18

Бизде екбда саат 5 эле караны кирет.айрым дукондор саат 10 го чейин эле иштейт болчу.кудай сактасын тынч Аман таабылып калсын.

Nurtilek001

2016-01-13 00:57:17

Окуудан чыгарып бала бактырганы алпарды да эжеси,кеч болуп калгандан кийин чыгарбайле койбойбу же оздору кошо барбайбы,аман-эсен табылып калса экен.

isnur93

2016-01-13 02:34:05

Ииии десе аман эсен табылып калсын эми!ушунун баары акчанын айынан болуп жататда,арзыбаган акчага кызынын келечегин ойлобой,билим алдырбай россияга жонотушуп...эжесида кеч болгондон кийин озуле чуркап чыга койбоптурдааааа

begai93

2016-01-13 04:51:50

Али табыла элек болсо эмнеге "жашы жете элек кызды олтуруу" боюнча кылмыш ишин козгоду тушунбодум может тируудур?! Аман эсен табылып калсын ылайым!

Комментарий калтыруу үчүн өз ысымыңыз менен кириңиз же каттоодон өтүңүз.