Нарын. Облустагы бир катар мекемелерге тиешелүү орган тарабынан сертификаттар берилди

15-мартта Нарын шаардык мэриясында "Адал" стандартташтыруу жана тастыктоо комитети уюштурган жыйын болду. Ага Нарын шаарынын аймагында жайгашкан бир катар кафе, ашканалардын жана мал союучу жайлардын жетекчилери катышты. Облус аймагында Кыргызстан мусулмандар дин башкармалыгына караштуу аталган комитет текшерүү жүргүзүп, текшерүүдөн өткөндөр күбөлүк жана сертификаттарды алышты. "Бул комитеттин максаты - Жараткандын буйругу жана шарияттын негизинде мусулмандардын адал тамак-аш пайдалануусуна үгүттөө”,- дейт комитеттин Нарын облусу боюнча өкүлү А.Чымырбаев.

Автор: Гүлжан Асанкожоева